Ֆասթ Բանկը, որպես սոցիալապես պատասխանատու ընկերություն, շարունակում է դիտարկել Հայաստանի մշակութային ոլորտի խնդիրները, աջակցել դրանց լուծմանը:
Կարեւորելով մշակութային վայրերին աջակցելը՝ Ֆասթ Բանկն ստանձնել էր «Բոհեմ» թատրոնի ենթակառուցվածքների վերանորոգման, արդիականացման գործընթացը:
«Շատ շնորհակալ եմ Ֆասթ Բանկին: Մեզ համար շատ կարեւոր էր սա: Մասնավոր թատրոն ենք, եւ մեզ համար շատ դժվար էր: Հույս ունեմ՝ սա օրինակ կծառայի ուրիշներին, որպեսզի մի քիչ ավելի ուշադրություն դարձնեն մշակույթին: Որովհետեւ առանց լեզու եւ մշակույթ, ինչ ուզում եք արեք, ազգ, ժողովուրդ չկա», - ասել է «Բոհեմ» թատրոնի գեղարվեստական ղեկավար Նարեկ Դուրյանը։
Բանկից հայտնել են, որ թատրոնի սանհանգույցների վերանորոգումն իրականացվել է հայկական ոճով, օգտագործվել են հայկական քարեր:
«Բոհեմ» թատրոնի պրոդյուսեր Քրիստինա Հովհաննիսյանը Ֆասթ Բանկի ներդրումն ու աջակցությունը շատ է կարեւորում․
«Ուրախ ենք, որ Ֆասթ Բանկն օգնեց, եւ սանհանգույցները վերանորոգվել են: Հատկապես, որ մասնավոր թատրոնին օգնություն է տրվել: Ուզում ենք մեր շնորհակալությունը հայտնել, որ այսօր ունենք լավ վերանորոգված սանհանգույց, որը մեր հանդիսատեսին բավականին կգոհացնի»:
Նշվում է, որ Ֆասթ Բանկը կշարունակի աջակցել Հայաստանի մշակութային վայրերի պահպանմանը, ծանոթանալ առկա խնդիրներին եւ անել հնարավորը՝ նպաստելու ոլորտի զարգացմանը: